Aktori legjendar Bruce Willis, i njohur për rolet e tij ikonikë në filmat e aksionit, po përballet me një realitet tragjik. Në moshën 70-vjeçare, gjendja e tij me demencën frontotemporale (FTD) është përkeqësuar ndjeshëm, duke e bërë atë të paaftë për të folur, lexuar apo ecën pa ndihmë.

Sipas bashkëshortes Emma Heming Willis, Bruce është zhvendosur në një shtëpi të posaçme ku merr kujdes të vazhdueshëm 24/7, të përshtatur për nevojat e tij shëndetësore dhe për të shmangur faktorët që mund të përkeqësojnë simptomat. Kjo vendimmarrje e vështirë synon të sigurojë sigurinë e tij dhe stabilitetin emocional të familjes, veçanërisht të vajzave të tyre.

Së fundmi, në një video që qarkullon në internet, Bruce shfaqet në një gjendje të rënduar, duke treguar qartë efektet e sëmundjes që ka prekur aftësinë e tij për komunikim dhe lëvizje. Pamjet e tij tronditëse kanë prekur miliona zemra dhe kanë ndezur një diskutim të madh mbi realitetin e rëndë që sjell demenca.

Megjithatë, pavarësisht sfidave, Bruce vazhdon të jetë i rrethuar nga dashuria e familjes. Emma dhe vajzat e tyre vizitojnë çdo ditë, duke i dhënë mbështetje dhe afërsi në këto momente të vështira.

Emma ka shpallur gjithashtu se do të publikojë një libër ku ndan përvojën e saj si kujdestare, duke dhënë një zë për të gjithë ata që përballen me sfidat e kujdesit ndaj të dashurve të prekur nga demenca.