Një burrë në Ferryhill, Angli, ka përfunduar pas hekurave pasi përdori një lazer të gjelbër për të verbuar një helikopter policie në ajër.

Më 29 qershor, helikopteri i National Police Air Service (NPAS) po asistonte oficerët në një operacion në tokë, kur Colin Quinn nisi të drejtonte rrezet e lazerit drejt kabinës së pilotëve. Pamjet tregojnë momentin kur lazeri godet drejtpërdrejt helikopterin, duke rrezikuar seriozisht pilotët dhe misionin.

Vetëm pak çaste më vonë, policia lokalizoi autorin dhe e arrestoi në vendngjarje. Në momentin e kapjes, ai është dëgjuar duke thënë: “S’kam bërë asgjë!” – por fjalët e tij nuk e shpëtuan nga pasojat ligjore.

Gjykata e dënoi Quinn me 4 muaj burg dhe e detyroi të paguajë 154 £ shpenzime gjyqi. Policia britanike paralajmëroi se përdorimi i lazerëve kundër avionëve dhe helikopterëve është një akt ekstremisht i rrezikshëm dhe nuk tolerohet.