Mijëra persona dyshohet se kanë vdekur pasi një tërmet i madh goditi Tajlandën dhe Mianmarin këtë mëngjes, duke shkatërruar ndërtesa dhe duke shkaktuar frikë se digat mund të shemben, duke çuar në përmbytje katastrofike.
Shërbimi Gjeologjik i SHBA-së parashikoi mijëra humbje pas tërmetit me magnitudë 7.7 ballë që goditi afër Mandalay, qyteti i dytë më i madh i Mianmarit herët të premten.
Lëkundjet e cekëta goditën qendrën e Mianmarit në orën 13:20 me kohën lokale (6:50 GMT) dhe u pasua disa minuta më vonë nga një pasgoditje me magnitudë 6.4 ballë.
Zyrtarët në një spital të madh në Naypyidaw, kryeqyteti, e deklaruan atë një ‘zonë me viktima masive’, me numrin e të vdekurve që pritet të rritet pasi ndërtesat ranë dhe mbeturinat u shpërndanë.
“Nuk kam parë (diçka) të tillë më parë. Ne po përpiqemi të përballojmë situatën. Jam shumë i rraskapitur tani”, tha një mjek për agjencinë e lajmeve AFP.
Profesor Ian Main, Drejtues Personal në Sizmologjinë dhe Fizikën e Shkëmbit, Shkolla e GjeoShkencave, në Universitetin e Edinburgut tha: “Dëmi ka të ngjarë të jetë shumë i rëndë pranë epiqendrës- bazuar në intensitetin e vlerësuar të lëkundjeve të tokës sipër, dhe hartat e densitetit të popullsisë dhe cenueshmërisë së ndërtesave.
Humbja e parashikimit të USGS ‘PAGER’, fatkeqësisht, ka shumë të ngjarë të jetë në intervalin 10,000-100,000 viktima,” tha ai, duke iu referuar raportit të ndikimit të tërmetit të agjencisë amerikane.
Forca shkaktoi shembjen e një xhamie në Mandalay, me të paktën dhjetë besimtarë të raportuar se ishin vrarë.
Më shumë se 20 fëmijë besohet se janë bllokuar në një shkollë të shkatërruar në Taungoo, në qendër të Mianmarit.
Pamjet tronditëse treguan punëtorët duke ikur në Tajlandën fqinje, ndërsa një ndërtesë 30-katëshe në ndërtim e sipër në Bangkok u shemb rreth tyre.
Të paktën tre persona humbën jetën si pasojë e rrëzimit të rrokaqiellit. Autoritetet lokale thanë se dhjetëra punëtorë janë shpëtuar nga vendi, megjithëse 90 janë ende të zhdukur.
