Një video tronditëse që është bërë virale në rrjetet sociale tregon momentin dramatik kur një fëmijë i vogël përplaset me kokë në xhamin e përparmë të një makine, pas një frenimi të fortë të drejtuesit të mjetit. Ngjarja ka shkaktuar zemërim të madh në publik, duke hapur debat për sigurinë rrugore dhe neglizhencën e prindërve apo kujdestarëve gjatë transportimit të të miturve.

Në pamje, fëmija shihet duke qëndruar në këmbë në sediljen e përparme, pa rrip sigurimi dhe pa ulësen të posaçme për fëmijë një shkelje e rëndë e rregullave të qarkullimit rrugor. Ndërkohë që makina frenon me vrull për të shmangur një përplasje me një automjet përpara, fëmija humbet ekuilibrin dhe godet xhamin me kokë. Fatmirësisht, nuk raportohet për lëndime serioze, por incidenti ka ngjallur reagime të ashpra në rrjet, ku përdoruesit fajësojnë drejtuesin e mjetit për papërgjegjshmëri dhe rrezikim të jetës së një të mituri.