Ky është momenti tronditës kur një adoleshent që po garonte me makinë me shpejtësi 120 km/h përplaset me makinën e një gruaje të pafajshme, duke i shkaktuar dëmtime të rënda trupore.

William Sandouka, 19 vjeç, nga Milton Keynes, po garonte me një automjet tjetër në rrugën A5 në Buckinghamshire, kur vendosi t’i ikte policisë me Audin e tij S3. Ngjarja ndodhi më 17 maj të vitit të kaluar.

Pas ndjekjes, Sandouka përfundoi duke u përplasur me makinën e gruas, e cila pësoi lëndime të rënda – por ai u dënua vetëm me dy vite burg me kusht, një ndalim drejtimi për tre vite, 200 orë punë vullnetare dhe 15 ditë rehabilitim.

Policia e Thames Valley reagoi përmes një deklarate:
“Vendimi i pamatur i Sandouka për të kthyer rrugën në pistë gare përfundoi në një aksident të rëndë dhe lëndimin e një personi të pafajshëm. Nën operacionin Chromium, po godasim fort kundër garave në rrugë, sjelljeve antisociale dhe drejtimit të rrezikshëm. Nuk do të tolerojmë askënd që rrezikon jetë njerëzish për disa sekonda adrenalinë.”

Policia falënderoi gjithashtu viktimën për guximin dhe ndihmën për të sjellë drejtësi:
“I urojmë viktimës një shërim të shpejtë dhe të plotë. Falënderojmë për guximin që tregoi për të çuar Sandouka përpara drejtësisë.”