Bianca Censori, gruaja australiane e reperit Kanye West, ka rindezur debatin në rrjet pasi publikoi sërish një foto nudo në Instagram, vetëm pak ditë pasi tronditi ndjekësit me një seri fotosh provokuese. E veshur me çorape të tejdukshme dhe një bluzë rrjetë transparente, 30-vjeçarja la shumë pak vend për imagjinatë. Ajo e kompletoi veshjen me taka argjendi me lidhëse të zeza dhe syze dielli, ndërsa flokët e zinj i kishte të lëshuar me një balluke të lehtë që i mbulonte fytyrën.

Megjithëse një nga tre fotot u fshi, Censori vendosi ta rishpërndajë më pas, çka shkaktoi një “frenzi” mes 496 mijë ndjekësve të saj. Ndërkohë që fansat e adhuruan imazhin, disa vërejtën përsëritjen: “Na jep një foto të re ose diçka tjetër… apo po të ndodh një tjetër moment glitch?”

Zhurma nuk ndalet me kaq. Censori u kritikua ashpër edhe gjatë një daljeje publike në Mallorca të Spanjës, ku u shfaq me një bluzë rrjetë që i ekspozonte gjoksin. Dëshmitarët thonë se vendasit u shokuan: “Njerëzit pyesnin: ‘Janë të vërteta ato që po shohim?’”, tha një burim për news.com.au. Edhe pse ligji katalanas i lejon gratë të rrinë topless që prej vitit 2020, shumë e konsideruan veshjen e saj si “të papërshtatshme dhe ofenduese për vlerat e vendit”.

Në sfond të këtyre daljesh, qarkullojnë zëra për krizë në martesën me Kanye West, që u përshkallëzua pas deklaratave të çrregullta të reperit në rrjetet sociale. Megjithatë, çifti është parë sërish bashkë në Spanjë, ndërsa ish-bashkëshortja e West, Kim Kardashian, raportohet se ka shtuar masat e sigurisë për fëmijët pas sjelljeve të fundit të tij.

Censori duket se nuk e ka ndërmend të tërhiqet nga stili i saj tronditës, duke mbetur një figurë që sfidon pritshmëritë dhe normat – për mirë a për keq.