Rusia ka akuzuar Ukrainën për një tjetër sulm me dron gjatë natës, i dyti brenda 48 orëve, duke vënë në shënjestër Moskën dhe qytete të tjera. Sipas autoriteteve ruse, të paktën 19 dronë janë rrëzuar përpara se të mbërrinin në kryeqytet, ndërsa katër aeroportet kryesore të Moskës u mbyllën përkohësisht për arsye sigurie, por u rihapën më pas.
Dronë janë raportuar edhe në qytetet Penza, Voronezh dhe Kursk, ku në qytetin Rylsk është goditur një nënsistem elektrik, duke shkaktuar ndërprerje të energjisë elektrike dhe plagosjen e dy adoleshentëve.
Në anën tjetër, Ukraina ka deklaruar se është vetë nën sulm: Kharkivi, rajoni i Kievit dhe Odesa u goditën nga raketat ruse, me një viktimë të konfirmuar në jug të vendit.
Ndërkohë, situata në kufirin me rajonin rus të Kurskut po përshkallëzohet. Blogerë ushtarakë rusë raportojnë se forcat ukrainase kanë tentuar të depërtojnë në territorin rus me automjete të blinduara dhe pajisje për çminim. Ukraina ka konfirmuar se mban ende prani ushtarake në Kursk, si pjesë e operacionit që nisi në gusht të vitit 2024.
Ndërkohë, autoritetet në rajonin ukrainas të Sumyt, pranë kufirit me Tyotkino – ku Ukraina pretendon se ka goditur një njësi ruse të komandimit të dronëve – kanë bërë thirrje për evakuim në disa vendbanime, për shkak të përkeqësimit të situatës në terren.
