Policia e Fierit ka goditur një rast të kultivimit të bimëve narkotike. Një çift bashkëshortësh kanë rënë në pranga, pasi janë kapur policia në flagrancë duke u kujdesur për bimët narkotike të kanabisit.

Ndërsa policia bën me dije se në përfundim të veprimeve procedurale, policia ka arrestuar bashkëshortin dhe ka proceduar në gjendje të lirë gruan e tij për veprën penale “Kultivimi i bimëve narkotike”.

Ndërsa në njoftim theksohet se bimët narkotike asgjësuan përmes djegies.

“Shërbimet e Komisariatit të Policisë Fier, si rezultat i kontrolleve të kryera në kuadër të planit operacional të koduar “Koordinata”, goditën një tjetër rast të kultivimit të bimëve narkotike, për të cilin, në lagjen “Belishovë”, në fshatin Cakran, u kapën në flagrancë, duke u kujdesur për 17 bimë narkotike, shtetasi S. M., 51 vjeç dhe bashkëshortja e tij, shtetasja B. M., 48 vjeç, të dy banues në fshatin Gorishovë.

Në përfundim të veprimeve procedurale u arrestua shtetasi S. M. dhe nisi procedimi në gjendje të lirë për shtetasen B. M., për veprën penale “Kultivimi i bimëve narkotike”, kryer në bashkëpunim. Gjithashtu, u asgjësuan nëpërmjet djegies, bimët narkotike”, thuhet në njoftimin e policisë.