Presidenti Donald Trump ka akuzuar publikisht demokratët për pagesa të paligjshme ndaj yjeve të njohur si Beyoncé, Oprah Winfrey dhe Al Sharpton, duke pretenduar se ata janë paguar për të mbështetur Kamala Harris gjatë fushatës presidenciale të vitit 2024. Në një postim të ashpër në platformën e tij Truth Social, Trump tha se këto pagesa përbëjnë një “shkelje të qartë të ligjit zgjedhor” dhe u zotua se do të kërkojë ndjekje penale për të përfshirët.

Ai pretendoi se Beyoncé ka marrë 11 milionë dollarë nga fushata e Harris për një fjalim të shkurtër në një miting në Houston, ndërsa Oprah është paguar 3 milionë dollarë për “shpenzime” dhe Al Sharpton 600 mijë dollarë për një intervistë televizive. Fushata e Harris dhe vetë Oprah i kanë mohuar akuzat, duke sqaruar se shumat janë shpenzime prodhimi dhe jo pagesa personale. Sipas dokumenteve zyrtare të Komisionit Federal Zgjedhor, Harris ka paguar vetëm 165 mijë dollarë për kompaninë e Beyoncé-s, një shumë që lidhet me prodhimin e eventeve dhe jo me ndonjë pagesë për mbështetje. Ndërkohë, MSNBC u shpreh se nuk ishte në dijeni për donacionet ndaj rrjetit të Sharpton, ndërsa polemikat për këtë çështje po rriten në prag të fushatës presidenciale të vitit 2026.