Donald Trump paralajmëroi Hamasin disa orë më parë që të mos përdorë pengjet izraelite për të penguar ofensivën tokësore të Izraelit në Qytetin e Gazës , duke përsëritur kërkesën e tij për lirimin e tyre.
Presidenti amerikan shkroi në një postim në Truth Social të hënën se kishte lexuar një raport që thoshte se Hamasi kishte ndërmend t’i përdorte pengjet si “mburoja njerëzore” mes bombardimeve të pandërprera të Gazës.
“Shpresoj që udhëheqësit e Hamasit të dinë se në çfarë po përfshihen nëse e bëjnë këtë”, tha presidenti amerikan.
“Kjo është një mizori”, shtoi ai në postimin e tij lidhur me këtë skenar, duke theksuar se nëse ndodh një zhvillim i tillë, “çdo gjë mund të ndodhë”. “Lironi të gjithë pengjet tani”, përfundoi Trump postimin e tij.
