Presidenti Donald Trump ka ngritur tensionet brenda Partisë Republikane, duke i kërcënuar publikisht senatorët që nuk mbështesin paketën e tij të re të shkurtimit të shpenzimeve federale. Përmes një mesazhi në rrjetin e tij Truth Social, Trump paralajmëroi se kushdo që voton kundër projektligjit të njohur si “DOGE cuts” nuk do të ketë mbështetjen dhe përkrahjen e tij në zgjedhjet e ardhshme. Paketa, që përfshin shkurtimin e 9.4 miliardë dollarëve nga programe si ndihmat e huaja, transmetimet publike dhe trajtimi i AIDS-it në Afrikë, konsiderohet nga shumë si një provë besnikërie ndaj presidentit.
Mes senatorëve që rrezikojnë përplasjen me Trump janë dy moderatët e njohur, Susan Collins dhe Lisa Murkowski, të cilat kanë shprehur kundërshtime ndaj shkurtimeve për NPR, PBS dhe programin PEPFAR. Trump e ka bërë të qartë se vota pro është kushti për të fituar endorsementin e tij politik, ndërsa përmendi se çdo republikan që “lejon që kjo monstruozitet të vazhdojë transmetimin” nuk do të ketë mbështetjen e tij. Votimi në Senat pritet të zhvillohet javën e ardhshme, me republikanët që aktualisht mbajnë një shumicë të ngushtë 53-47. Nëse paketa nuk miratohet deri më 18 korrik, të gjitha shkurtimet do të skadojnë automatikisht.
