Një ngjarje e rëndë është regjistruar ditën e sotme në një shkollë profesionale në Gjermani ku një 18-vjeçar nga Kosova qëlloi me thikë mësuesen e tij.

Rrethanat e këtij sulmi vijojnë të jenë të paqarta për autoritetet gjermane ndërsa i riu është qëlluar për vdekje nga policia.

18-veçari befasisht u gjet në klasë dhe në një moment iu afrua mësueses dhe e qëlloi me thikë në stomak. E plagosura ndodhet në spital duke marrë ndihmë mjekësore ndërsa ndodhet jashtë rreziku për jetën.

Pas sulmit, kosovari u pa në një park disa metra larg godinës së kolegjit. Në momentin që forcat e policisë e rrethuan, ai u turr në drejtim të tyre me thikë në dorë. Në këtë moment, policia e ka qëlluar me armë për vdekje.