Ariana Grande, një nga ikonat më të mëdha të muzikës botërore, prej një dekade ka ndjekur stilin e jetës vegane një zgjedhje që shpesh e ka shpallur me krenari si një akt dashurie për kafshët. Por pas 10 vitesh, trupi i saj duket sikur po jep alarmin. Pamjet e fundit të këngëtares kanë tronditur fansat: dobësim ekstrem, fytyrë e sheshuar, qafa e hollë dhe eshtra të dukshme duke ngritur pyetjen e madhe: a është vërtetë veganizmi i qëndrueshëm për trupin njerëzor në afatgjatë?
Ekspertë të ushqyerjes kanë paralajmëruar prej kohësh se një dietë plotësisht vegane, nëse nuk plotësohet me suplementet e duhura, mund të sjellë mungesa serioze: vitamina B12, hekur, omega-3, kalcium dhe proteina cilësore. Pa këto elementë, sistemi imunitar dobësohet, energjia bie dhe muskujt fillojnë të konsumohen.
Rasti i Ariana Grande është kthyer në një paralajmërim të gjallë: një yll botëror, me gjithë mjetet financiare dhe mundësitë për kujdes mjekësor, përsëri duket se po përballet me efektet e forta të mungesave ushqyese. Fansat komentojnë të shqetësuar se ajo “ka humbur shkëlqimin” dhe se trupi i saj “po flet vetë”.
Pyetja që po shpërthen në rrjete sociale është e qartë: nëse një superstar nuk arrin të ruajë shëndetin e saj me veganizëm, çfarë mund të ndodhë me njerëzit e zakonshëm?
