Një grua 26-vjeçare ka ndarë historinë e saj emocionale dhe transformimin e jashtëzakonshëm pas një operacioni brutal pesë orësh për të korrigjuar një nënkafshë (underbite) të theksuar që e kishte ndjekur që në fëmijëri.
Luisa McDermott, nga Bradford, nisi të përballej me deformimin e nofullës në moshën 9-vjeçare, kur nënkafsha e saj filloi të zgjatej me rreth 3 cm përtej nofullës së sipërme. Ajo rrëfen se kjo gjendje e ndikuar rëndë vetëbesimin e saj gjatë adoleshencës.
“Njerëzit më thoshin: ‘Ke nofull shumë të madhe’, dhe unë e urreja të dilja në fotografi,” tha ajo .
Megjithatë, Luisa ishte gjithmonë e vendosur ta përballonte këtë sfidë. Ajo iu nënshtrua operacionit të parë në moshën 18-vjeçare, ku nofulla e saj u shkurtoa me 4mm. Por rruga drejt përmirësimit të plotë ishte e gjatë dhe e dhimbshme ajo u desh të priste edhe tetë vite të tjera, duke mbajtur aparate ortodontike gjatë gjithë kësaj kohe, para se të bënte operacionin përfundimtar.
Në fillim të këtij viti, në një video të publikuar në TikTok-un e saj , Luisa shfaqet duke kërcyer plot gëzim në korridorin e spitalit, përpara ndërhyrjes vendimtare, ku nofulla e poshtme iu zhvendos pas me 0.8 cm dhe ajo e sipërme përpara me 1 cm.
“Kurrë nuk e mendoja se do të vinte kjo ditë. Jam e emocionuar të shoh rezultatin,” shkroi ajo në video.
Por rruga drejt rikuperimit nuk ishte aspak e lehtë. Luisa kaloi dy muaj pa ngrënë ushqim të ngurtë dhe duhej të ushqehej me lëngje përmes pipës. Ajo tregon se kishte ënjtje të theksuar në fytyrë, nuk ndjente dhëmbët, kishte gjakderdhje nga hundët dhe probleme me shikimin nga një sy.
“Isha e pafuqishme, nuk mund të haja, nuk mund të shkoja vetë në tualet, më duhej kujdes 24/7. Por gjithçka ia vlejti. Ka qenë ndryshim jetësor,” thotë ajo.
Sot, Luisa ende përballet me disa pasoja pas operacionit, si ndjesi shpimi në mjekër dhe vështirësi për të lëvizur buzën e sipërme. Ajo është në pritje për të hequr aparatet dentare në janar dhe thotë se mezi pret.
Megjithatë, ndryshimi ka qenë i jashtëzakonshëm.
“Tani e dua profilin tim anësor. Gjithçka është në vend dhe simetrike. Ndjehem shumë më mirë kur shoh veten në pasqyrë. Shumë njerëz nuk më njohin madje as fqinjët apo kolegët. Më në fund ndjehem e bukur dhe e sigurt,” përfundon ajo.
