Një nga shtëpitë më të lakmuara të Londrës, Hollybush House, një rezidencë e shekullit të 18-të e kategorizuar si ndërtesë me rëndësi historike (Grade II), u përfshi nga flakët në orët e para të mëngjesit të sotëm, duke u shkatërruar pothuajse plotësisht.
Më shumë se 70 zjarrfikës me 10 makina zjarrfikëse u angazhuan për orë të tëra për të shuar flakët që përfshinë ndërtesën luksoze në Hadley Green Road, Barnet – një zonë e njohur për rezidenca që shiten me çmime milionëshe.
Pamjet nga vendngjarja tregojnë se shumica e banesës me nëntë dhoma gjumi është shkrumbuar, ndërkohë që objekti ishte në mes të një projekti të gjerë rikonstruksioni.
Zjarrfikësit mbeten në terren për orë të tëra, ndërsa shkaku i zjarrit ende nuk dihet. Nuk ka ende informacion zyrtar nëse ka të lënduar.
Çfarë ishte Hollybush House?
- Ndërtuar në fund të shekullit XVIII
- 6 dhoma gjumi në ndërtesën kryesore (njëra me kopsht mbi çati)
- 3 dhoma shtesë në një “cottage” të lidhur me shtëpinë
- Sipërfaqe prej 6,300 metra katrorë në ndërtesën kryesore, plus 3,000 metra katrorë në ambientet anësore
- Territor prej dy hektarësh e gjysmë me:
- pishinë të jashtme të ngrohur
- kopsht kuzhine, terasë, dhe kopsht me trëndafila
- Përfshinte gjithashtu një dhomë arti, bibliotekë, sallë ngrënieje, kuzhinë, garazh dhe dhomë pritjeje
Sipas Zjarrfikëses së Londrës:
“Të gjithë çatia, pjesa më e madhe e katit të parë dhe gjysma e katit përdhes janë përfshirë nga zjarri.”
Banesa e fundit në këtë rrugë që është shitur publikisht ishte vlerësuar në 4.7 milionë paund në vitin 2014, por çmimi i fundit i Hollybush House nuk është bërë publik.
Hetimet për zbardhjen e shkaqeve të ngjarjes vazhdojnë.
