Netflix ka publikuar një raport të fortë financiar për tremujorin e dytë të vitit, duke tejkaluar pritshmëritë e analistëve falë suksesit të jashtëzakonshëm të sezonit të fundit të serialit korean “Squid Game”. Fitimi për aksion arriti në 7.19 dollarë, ndërsa të ardhurat neto shkuan në 3.1 miliardë dollarë, duke përfaqësuar rritje mbi parashikimet.

Përveç përmbajtjes origjinale, kompania po forcon strategjinë me reklama dhe evente live si WWE, duke tërhequr abonentë të rinj dhe reklamues. Netflix ka rritur parashikimin vjetor për të ardhurat, të ndihmuar edhe nga dobësimi i dollarit amerikan. Megjithëse aksionet ranë lehtë me 1% pas orarit të tregtimit, analistët e quajnë platformën “një makinë të lubrifikuar mirë”, me bazë të fortë për rritje afatgjatë.