Me urdhër të Prokurorisë së Posaçme (SPAK), policia ka zhvilluar një operacion të gjerë në qytetet Elbasan, Tiranë dhe Durrës, duke ekzekutuar 11 masa sigurie për akuzat e krijimit të grupit të strukturuar kriminal dhe trafikut ndërkombëtar të lëndëve narkotike.
Operacioni ka nisur herët në mëngjes, ndërsa hetimet janë bazuar në komunikimet e përgjuara nga aplikacioni “Sky ECC”, ku dyshohet se të përfshirët kanë organizuar dhe kryer trafikun.
Sipas hetimeve të prokurorit Vladimir Mara, katër prej të dyshuarve kanë marrë masat e sigurisë brenda burgut ku ndodhen për një çështje tjetër, tre persona janë arrestuar deri tani, ndërsa katër të tjerë vijojnë të kërkohen nga policia.