Përgjatë gjithë jugut të Shqipërisë, Vlorës duket se nuk i ka mjaftuar kaosi i kantierëve të ndërtimit që mbulojnë çdo cep të qytetit, duke sjellë pluhur, zhurmë dhe një ndotje të vazhdueshme të ajrit. Por tani, në një situatë dramatike, qytetarëve të Vlorës po u shtohet edhe një tjetër sfidë – mungesa e ujit! Për shkak të ndërhyrjeve në linjën kryesore të furnizimit me ujë për “përmirësimin e cilësisë së shërbimit”, qytetarët do të përballen me kufizime të furnizimit me ujë për dy ditë rresht, më 18 dhe 19 mars. Si të mos mjaftonin pluhurat dhe dheu nga kantierët, qytetarët tani janë të detyruar të qëndrojnë pa një shërbim elementar që do duhej të ishte i garantuar. Ky është një tjetër shenjë se qytetarët e Vlorës vazhdojnë të paguajnë çmimin e ndërtimit të një Shqipërie “moderne”, ku infrastruktura ka rëndësi vetëm kur është e nevojshme për të mbushur xhepat e një grushti të ngushtë interesash.
Në këtë klimë të tensionuar dhe të pakënaqur, kur shpresat për përmirësim janë thuajse inekzistente, vjen lajmi i hapjes së Tunelit të Llogarasë për qarkullim, që në letër duket si një hap i rëndësishëm për të lehtësuar trafikun dhe për të lidhur më shpejt Vlorën me jugun. Sipas premtimeve, tani do të duhen vetëm 7 minuta për të kaluar nga Dukati në Palasë, një kohë rekord për ata që kanë kaluar ditë të tëra në trafik, por këto risi nuk mund të fshijnë dhembjet e përditshme të qytetarëve të Vlorës. Hapja e tunelit mund të jetë një “vepër historike”, siç e cilësoi kryeministri Edi Rama, por nuk mund të mbulojë një realitet të hidhur: qytetarët vazhdojnë të përballen me probleme më themelore dhe jetike, si furnizimi me ujë, që janë të nevojshme për një jetë të dinjitetshme.
Në vend që të përmirësohen shërbimet për qytetarët, që të mund të jetojnë një jetë pa pasur nevojë për të përballuar ndërprerje të shërbimeve elementare, vjen ky mesazh i shkatërruar nga injorimi dhe moskujdesi: ndërkohë që Vlorës po i hapet një tunel që do të lehtësojë disa kilometra udhëtim, qytetarët duhet të mendojnë për mënyrat alternative për të marrë ujë. A është kjo ajo që duhet të presin qytetarët, që të jetojnë nën një qiell të mbushur me pluhur dhe një infrastrukturë që i lë të uritur për shërbimet bazë?
Vlorës, dhe gjithë Shqipërisë, i duhen më shumë veprime konkrete dhe më pak premtime të pabazuara në realitet. Kur do të vijnë ditët kur qytetarët do të mund të shijojnë një qytet të zhvilluar, ku zhvillimi i infrastrukturës shkon paralelisht me përmirësimin e kushteve të jetesës dhe ofrimin e shërbimeve të domosdoshme?
Njoftimi i Bashkisë :
NJOFTIM I RËNDËSISHËM PËR KUFIZIM TË FURNIZIMIT ME UJË
Ujësjellës Kanalizime Rajoni Vlorë, njofton qytetarët dhe bizneset se për shkak të një ndërhyrje në linjën kryesore për të rritur cilësinë e shërbimit, ditën e martë dhe të mërkurë, në datat 18-19 mars, do të ketë kufizime të furnizimit me ujë në qytetin e Vlorës.
Në rast se gjatë kësaj periudhe do të keni nevojë për asistencën e grupeve tona në terren, na kontaktoni:
069 582 4439
033403094
033 403 220
Kërkojmë mirëkuptimin tuaj!
Faleminderit!
