Policia e Kamzës ka vënë në pranga një 26-vjeçar të dyshuar për shpërndarje të lëndëve narkotike në formë dozash. I arrestuari është identifikuar si Benard Dreni, i cili dyshohet se shpërndante kokainë kryesisht në zona të ndryshme të Valiasit.

Gjatë kontrollit të ushtruar nga efektivët, u sekuestruan sasi e kokainës e ndarë në doza të gatshme për shitje, një aparat celular dhe automjeti që ai përdorte për lëvizje. Materialet i janë referuar Prokurorisë për veprime të mëtejshme.

Njoftimi i policisë:

Komisariati i Policisë Nr. 5, në vijim të punës për parandalimin, evidentimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e siguruara në rrugë operative nga burime të ndryshme, kanë goditur një tjetër rast të shpërndarjes së drogave të forta në doza, si rezultat  u bë arrestimi në flagrancë, për veprën penale “Prodhimi dhe shitja e narkotikëve”, e shtetasit:

-B. D., 26 vjeç, banues në Kamëz.

Gjatë kontrollit të ushtruar në automjetin me të cilin qarkullonte ky shtetas dhe kontrollit fizik, u gjetën disa doza me lëndë të dyshuar kokainë, 1 aparat celular, të cilat u sekuestruan në cilësinë e provës material së bashku me automjetin.

Nga hetimet paraprake ka rezultuar se 26-vjeçari i shpërndante dozat në zona të ndryshme të Valiasit.

Materialet i kaluan Prokurorisë, për veprime të mëtejshme.