Më shumë se 5,000 persona janë evakuuar nga shtëpitë e tyre në Korenë e Jugut si pasojë e shirave të rrëmbyeshëm që kanë përfshirë vendin për tre ditë rresht. Sipas Ministrisë Koreane të Sigurisë, moti ekstrem ka shkaktuar të paktën katër viktima dhe dëme të konsiderueshme në infrastrukturë dhe pronë private.

Autoritetet kanë lëshuar paralajmërime për reshje intensive në rajonet perëndimore dhe jugore, ndërsa agjencia meteorologjike u ka bërë thirrje qytetarëve të shmangin zonat me rrezik të lartë për rrëshqitje dhe përmbytje. Situata mbetet kritike dhe strukturat e emergjencës janë në gatishmëri të lartë.