Cristiano Ronaldo duhet të presë ende për të fituar trofeun e parë tek Al Nassr. Pas disa dështimeve të mëparshme, luzitani kishte mundësinë të merrte trofeun e parë me skuadrën saudite.

Megjithatë, në finalen e Superkupës së Arabisë Saudite, ekipi i Al Nassr u mposht pas penalltive nga Al Ahli.

Koha e rregullt u mbyll në barazim 2-2, me Ronaldon që zhbllokoi takimin në minutën e 41-të, para se Kessie të barazonte shifrat në fundin e pjesës së parë.

Brozovic riktheu avantazhin në minutën e 83-të, por Al Ahli ia doli të gjejë sërish barazimin, këtë herë me Ibanez.

Nga penalltitë, Al Nassr shënoi katër gjuajtje, por gaboi te pestën, ndërsa lojtarët e Al Ahli u treguan të saktë në të gjitha tentativat, për të marrë trofeun.