Rihanna ka treguar edhe një herë se materniteti dhe stili nuk përjashtojnë njëri-tjetrin, teksa u shfaq në një pamje tejet të guximshme në Kanë, krahas partnerit të saj A$AP Rocky, gjatë Festivalit të Filmit të martën.

Këngëtarja 37-vjeçare dhe reperi 36-vjeçar konfirmuan shtatzëninë e tyre të tretë në Met Gala më herët këtë muaj, duke emocionuar fansat e tyre në mbarë botën.

E veshur me një fustan të zi të çarë dhe me prerje të theksuara, Rihanna theksoi linjat dhe barkun e rrumbullakosur, duke përqafuar ndryshimet që sjell shtatzënia në mënyrën e saj karakteristike – elegante dhe e guximshme.

A$AP Rocky, me një pallto ngjyrë kafe dhe syze dielli, i qëndronte pranë në çdo hap. Pas një darke romantike, çifti pozoi për foto të ëmbla nën një urë në zonën e famshme Croisette të qytetit. Në një moment të përzemërt, reperi e përqafoi Rihannën, ndërsa ajo i vendosi butësisht dorën në fytyrë. Këngëtarja më pas veshi syze ngjyrë rozë dhe mori një puthje në faqe nga partneri i saj.

Kjo paraqitje vjen një ditë pas premierës së filmit të ri të A$AP, “Highest 2 Lowest”, ku Rihanna mbështeti partnerin duke u shfaqur në tapetin e kuq me një fustan blu të fryrë dhe sandale elegante – pavarësisht shiut që prishi disi atmosferën.

Albumi i ri? Rihanna jep një përditësim

Në një intervistë të fundit për Entertainment Tonight, Rihanna siguroi fansat se shtatzënia nuk do të vonojë shumë albumin e ri të shumëpritur, të njohur nga fansat si “R9”.

“Jo, ndoshta vetëm ndonjë video,” tha ajo me të qeshur, duke nënkuptuar se muzika po ecën përpara, edhe pse në ritmin e saj.

Kanë kaluar nëntë vite që nga albumi i fundit, Anti (2016), dhe pritja vazhdon. Por Rihanna theksoi se ky album nuk do të jetë komercial apo i thjeshtë për konsum – ai do të reflektojë evoluimin artistik personal të saj.

“Nuk ka zhanër. Do të jetë aty ku meriton të jetë arti im tani. Më në fund kam arritur aty ku duhet,” tha ajo për Harper’s BAZAAR.

“Pas kaq shumë kohësh larg muzikës, ajo që do të vijë duhet të vlejë. Nuk mund të dal me diçka të zakonshme. Pasi keni pritur tetë vjet, mund të prisni edhe pak më shumë!”

Dasmë në horizont?

Kur u pyet në Met Gala nëse ajo dhe A$AP Rocky kishin ndonjë tjetër surprizë – si një dasmë sekrete – Rihanna tha me shaka:

“Jo, vajzë, ti nuk e di që unë i mbaj sekretet shumë mirë?”

Fëmija i tretë dhe dashuria që nuk fshihet

Rihanna dhe A$AP kanë tashmë dy djem: RZA, 2 vjeç dhe Riot, 21 muajsh. Tani, me shtatzëninë e tretë të konfirmuar, çifti po shijon çdo moment publik me elegancë dhe dashuri të dukshme.