Një ish-anëtare e “Real Housewives of New York City” është përjashtuar nga një nga lokalet më të njohura të fitnesit në SHBA, SoulCycle, pasi ka shfaqur sjellje të papërshtatshme gjatë një ore trajnimi. Sipas një instruktori të mëparshëm, i intervistuar në një episod të ardhshëm të podcast-it “Cult Of Body & Soul”, ylli i “RHONY” jo vetëm që ka ndërprerë klasën me biseda të zhurmshme, por është kapur duke u puthur në mënyrë të ekzagjeruar me të dashurin në rreshtin e parë të biçikletave

Sipas tregimit, kur menaxheri i studios tentoi t’i vendoste kufij dhe t’i rikujtonte rregullat, ish-ylli i Bravo reagoi me arrogancë dhe kërkoi trajtim të veçantë, duke përdorur shprehjen: “E di ti kush jam unë?” Pas kësaj, SoulCycle vendosi të kërkonte ndërhyrjen e korporatës dhe ta ndalonte përgjithmonë pjesëmarrjen e saj.

Ndërkohë, lajmet për telashe në radhët e “Real Housewives” vazhdojnë. Një tjetër yll i serisë, Brynn Whitfield, ka njoftuar largimin e saj nga televizioni realitet, duke deklaruar se dëshiron të fokusohet në aplikacionin e saj për takime “Hoppy” dhe projekte të tjera personale. Largimet e njëpasnjëshme dhe skandalet në publik duket se po e tronditin imazhin e serialit ikonë të Bravo-s, ndërsa ndjekësit ndihen gjithnjë e më të zhgënjyer nga yjet që dikur i adhuronin.