Policia e Shkodrës ka arritur të vërë në pranga autorin e dyshuar të vrasjes së ndodhur në zonën e Dukagjinit. Ndoc Maçaj u arrestua disa orë pas ngjarjes, ndërsa ishte fshehur në afërsi të vendit ku kreu krimin.
Sipas burimeve hetimore, ngjarja dyshohet të ketë ardhur si pasojë e një konflikti për motive pronësie. Oficerët e policisë gjyqësore pritet të marrin në pyetje Maçajn për të zbardhur rrethanat dhe detajet e plota të krimit.
Policia e Shkodrës vijon veprimet hetimore për zbardhjen dhe dokumentimin e rrethanave të vrasjes së 61-vjeçarit, mbrëmjen e djeshme, në fshatin Abat, Shalë.
Sipas hetimeve paraprake, 58-vjeçari N. M. dyshohet se ka qëlluar me armë zjarri pistoletë viktimën P. P., 61 vjeç, banues në të njëjtin fshat, pas një konflikti për motive të dobëta. Autori u vetëdorëzua disa orë pas ngjarjes, duke dorëzuar edhe armën e krimit.
Specialistët e Sektorit për Hetimin e Krimeve ndaj Personit e arrestuan N. M. për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.
Në vendin e ngjarjes, shërbimet e policisë sekuestruan dy gëzhoja pistolete si dhe dy mjete prerëse (një thikë dhe një kmesë). Materialet procedurale i kaluan Prokurorisë për veprime të mëtejshme.
