Një video virale në TikTok ka kapur momentin kur një pasagjer i zemëruar përballet me një çift në bordin e një avioni të American Airlines, pasi zbuloi se vendi i tij prej 300 dollarësh ishte zënë pa leje nga fëmija i tyre. Osaac Summer, i cili e identifikoi veten më pas në një video tjetër, shprehu pakënaqësinë e tij duke u thënë prindërve: “Nuk më intereson për fëmijën tuaj! E kam paguar këtë vend.”

Ngjarja ndodhi më 6 korrik, kur Osaac, me gjatësi 1.88 m, refuzoi të ulej në ndonjë vend tjetër më të ngushtë si dritarja apo mesi. Ai tha se nuk kishte problem të ndërrohej, por u ndje i detyruar të lëshonte vendin. Një stjuardesë i kishte sugjeruar të “merrte vendin e tij përsëri”, çka shkaktoi përplasjen. Në komentet online, shumë përdorues mbështetën reagimin e tij, duke kritikuar sjelljen e “prindërve me pretendime” dhe ndërhyrjet e paarsyeshme në vendet e rezervuara. Ndërkohë, një stjuardesë amerikane ka publikuar një video tjetër ku paralajmëron pasagjerët të mos ndërrojnë vendet pa arsye të forta, duke thënë se “mungesa e planifikimit të dikujt tjetër nuk është problemi yt”.