Përleshjet kanë vijuar gjatë natës së kaluar në Novi Sad mes policisë serbe dhe rreth 300 qytetarëve që përpoqën që të hynin me forcë në ambientet e Fakultetit të Filozofisë. Studentët e bllokuan Fakultetin e Filozofisë në Novi Sad pasi përfundoi afati që i dhanë dekanit për t’u përgjigjur kërkesave të tyre që kishin parashtruar nëntë muaj më parë.

Ndaj policëve u hodhën vezë, mjete piroteknike si dhe objektet e tjera. Disa studentë kanë qenë në prangat e policisë për aktet e dhunshme. Atyre u është caktuar masa e paraburgimit deri në 48 orë.

Protestat përkuan me një letër të hapur drejtuar gazetës së mirënjohur Financial Times nga Presidenti Vuçiç ku thekson se protestuesit e kanë refuzuar dialogun me të.

Sipas Vuçiç zgjedhjet e jashtëzakonshme parlamentare po kërkohen edhe pse Serbia i mbajti zgjedhjet në muajin dhjetor të vitit 2023, dhe ato të radhës janë planifikuar për në vitin 2027.

Vuçiçi iu kundërpërgjigj gazetës britanike e cila e kishte akuzuar atë për sundim autoritar në një artikull të botuar më 18 korrik.

“Demokracinë nuk mund ta ndryshojnë afatet zgjedhore sa herë që shpërthen një protestë. Kjo do të ishte destabilizuese, e kushtueshme dhe e dëmshme për vetë qytetarët që protestuesit pretendojnë se përfaqësojnë. Qëllimi i këtyre protestave nuk është përçarja, pa qëndrueshmëri, a në vend të një zgjidhjeje.”

Për fat të keq, portretizimet mediatike të Serbisë si një vend në prag të luftës civile, përballë një zgjedhjeje mes autoritarizmit ose kapitullimit ndaj pakicës, e përkeqësojnë më tej hapësirën për dialog duke nxitur tensionet e brendshme.

Ndërkaq, të premten Drejtori i Përgjithshëm i KE-së, Gert Jan Kopman, do të jetë në Beograd në takime me Vuçiç, Brnabiç si dhe udhëheqësit e opozitës.