Edi Rama punoi në mënyrë të ethshme që ta përçante opozitën dhe ja doli.

Vetëm në qarkun Tiranë, parti si ato të Lapajt, Shabanit, Lulzim Bashës dhe Dashamir Shehi-Alibeaj kanë mbledhur deri tani, mbi 20 mijë vota, duke i hequr të paktën dy mandate PD.

Në nivel vendi, fragmentarizimi i votës e ka bërë PD të humbasë të paktën dhe 4 mandate të tjera.

Nëse kësaj i vendosim dhe Partinë Mundësia të Agron Shehaj, mund të flasim për të paktën 10 mandate të humbura, si efekt i fragmentarizimit të votës.

Por me dallimin që, nëse partitë e lartpërmendura, u krijuan me mision të qartë që të lënë Ramën të qeverisë dhe të përçajnë opozitën, Partia e Shehajt erdhi si një domosdoshmëri dhe alternativë, që në momentin që tashmë të gjithë e kanë të qartë se një Berishë në opozitë e lë Ramën përjetësisht në pushtet, atëherë opozita e re dhe reale është aty, e përfaqësuar nga “Mundësia e Shehajt”.