Pamje të rënda nga vendngjarja tregojnë pasojat dramatike të një prej sulmeve më të fuqishme ajrore që Izraeli ka ndërmarrë ndonjëherë kundër Iranit. Videoja, e regjistruar pak minuta pas goditjes, flet vetë: ndërtesa të shkrumbuara, tym i dendur, rrugë të mbuluara me rrënoja dhe qytetarë të përgjakur që kërkojnë ndihmë mes kaosit.
Në sfond dëgjohen klithma dhe britma, ndërsa forcat e emergjencës përpiqen të nxjerrin të mbijetuarit nga rrënojat. Tymi dhe zjarri që del nga katet e poshtme të një ndërtese të shkatërruar plotësisht, tregojnë për fuqinë shkatërrimtare të sulmit.

Sipas autoriteteve lokale, zona e goditur ishte pranë një kompleksi ushtarak të dyshuar si pjesë e programit bërthamor iranian. Dëshmitarët në vendngjarje flasin për një sulm të papritur, që ka shkaktuar panik dhe ikje masive të banorëve.
Ndërkohë që numri i viktimave zyrtare nuk është konfirmuar ende, pamjet tregojnë se dëmet materiale dhe njerëzore janë të konsiderueshme.