Që nga mëngjesi e deri në mbrëmje, shumë prej nesh ndihen të lodhur, pa energji dhe me vështirësi për t’u përqendruar. Edhe pse përpiqemi ta luftojmë këtë gjendje me kafeinë, shpesh nuk mjafton. Sipas AgroWeb.org, çelësi i gjallërisë qëndron në disa ndryshime të vogla por të fuqishme në stilin e jetesës dhe ushqyerjes.
Si të riktheni energjinë në mënyrë natyrale:
- Ecni vetëm 10 minuta – Studimet thonë se një shëtitje e shkurtër mund të rrisë ndjeshëm energjinë për të paktën 2 orë.
- Provoni një shtriqje të thjeshtë – Qëndroni në pragun e derës dhe shtriqni krahët lart për 30 sekonda. Kjo stimulon sistemin nervor dhe ndihmon në rikthimin e gjallërisë.
- Bëni aktivitet fizik – Rreth 60% e njerëzve ndihen më energjikë pas stërvitjes.
- Ushqehuni shëndetshëm – Omega-3 ndihmon trurin dhe humorin. Proteinat bimore forcojnë imunitetin dhe përmirësojnë humorin.
Menuja ideale për energji gjatë ditës:
- Mëngjes: Lëng me fruta pylli, avokado dhe qumësht soje – për fibrat dhe proteina.
- Dreka: Supë me thjerrëza dhe sallatë jeshile – e pasur me hekur, kalium dhe fibra.
- Zemra: Fruta dhe arrorë – për karbohidrate të mira, proteina dhe yndyra të shëndetshme.
- Darka: Perime të kombinuara me fasule dhe pite misri – vakt i lehtë para gjumit.
Kur plogështia fsheh sëmundje:
- Anemia – Shkakton lodhje për shkak të mungesës së oksigjenit në gjak. Trajtohet me hekur.
- Sëmundja celiake – Lodhja është një simptomë e hershme. Kërkon dietë pa gluten.
- Sëmundjet e zemrës – Lodhja e pazakontë mund të jetë shenjë paralajmëruese.
- Hipotiroidizmi – Shkakton mungesë energjie. Kërkon trajtim hormonal.
Mos e injoroni lodhjen e përhershme – ajo mund të jetë më shumë se thjesht mungesë gjumi.
