Në një konferencë për shtyp të mbajtur më 12 mars 2025 në Gjenevë, Francesca Albanese, Raportuesja Speciale e OKB-së për të drejtat e njeriut në territoret palestineze të okupuara, paralajmëroi se genocidi në Gaza nuk ndalet edhe nëse nuk bien më bomba apo nuk qëllohet më asnjë plumb.

“Edhe nëse nuk bien më bomba dhe nuk qëllohet më asnjë plumb kundër njerëzve në Gaza, genocidi do të vazhdojë,” deklaroi Albanese, duke theksuar se shkatërrimi i infrastrukturës dhe mungesa e ndihmave e kanë bërë jetesën të pamundur për palestinezët.

Ndërkohë, Michael Fakhri, Raportuesi Special i OKB-së për të drejtën për ushqim, hodhi poshtë idenë se në Gaza po ndodh një armëpushim. “Kjo nuk është një ndërprerje e luftimeve, por një mënyrë tjetër e vazhdimit të vdekjes përmes urisë,” tha ai, duke paralajmëruar për krizën e rëndë ushqimore që po përkeqësohet çdo ditë.

Deklaratat e tyre vijnë në një kohë kur ndihmat humanitare mbeten të kufizuara dhe bllokada izraelite vazhdon të pengojë furnizimin me ushqime dhe ilaçe, duke shtuar rrezikun për një katastrofë humanitare në shkallë të gjerë.

Klikoni më poshtë për të parë videon :