Një video e re, e publikuar nga The New York Times dhe e rikuperuar nga telefoni i një prej mjekëve të vrarë në Gaza, ka tronditur opinionin publik duke hedhur poshtë versionin zyrtar të ushtrisë izraelite për një incident tragjik. Mjeku ishte një nga 15 punonjës të emergjencës që u vranë nga forcat izraelite më 23 mars dhe më pas u varrosën në një varrezë masive.
Pamjet tregojnë qartë ambulanca dhe mjete zjarrfikëse të pajisura me sinjalistikë të dukshme dhe me dritat emergjente të ndezura, duke përgënjeshtruar deklaratat e ushtrisë izraelite se mjetet ishin “të dyshimta”, “pa shenja dalluese” dhe “pa drita”. Kjo provë e re vë në pikëpyetje serioze besueshmërinë e justifikimeve të Izraelit për përdorimin e forcës vdekjeprurëse kundër stafit mjekësor.
Publikimi i videos shton trysninë ndërkombëtare ndaj Tel Avivit, ndërsa kritikët kërkojnë hetime të pavarura për vrasjet dhe përgjegjësi ligjore për shkeljet e mundshme të të drejtave të njeriut dhe ligjit ndërkombëtar humanitar.
Klikoni më poshtë për të parë videon :
