Një ngjarje tronditëse ka ndodhur në ishullin Harbour të Bahamas, ku Paige Bell, një 20-vjeçare nga Johanesburgu, u gjet e vrarë në jahtin luksoz FarFromIt, vetëm pak ditë para ditëlindjes së saj të 21-të. Paige, e përshkruar nga miqtë si një “vajzë e artë”, punonte si oficere marrëdhëniesh me klientët në bord. Trupi i saj u zbulua poshtë kuvertës pas ankorimit të anijes në ishullin e njohur si “vendi i lojërave të miliarderëve”.

Policia ka arrestuar një mekanik 39-vjeçar meksikan, anëtar i ekuipazhit, i cili u gjet pranë viktimës me një thikë të përgjakur në dorë dhe plagë të rënda në kyçet e duarve, duke ngjallur dyshime për tentativë vetëvrasjeje. Hetuesit besojnë se vajza u sulmua dhe u përpoq të mbrohej para se të goditej për vdekje. Motivi i krimit mbetet ende i paqartë. Familja e saj ka nisur procedurat për ta riatdhesuar trupin në Afrikën e Jugut dhe ka bërë thirrje për drejtësi. Vdekja e Paige ka lënë pas një komunitet të tërë të tronditur dhe të zemëruar.