Një ngjarje e rëndë ka ndodhur pasditen e sotme në qytetin bregdetar të Durrësit, ku një grua 57-vjeçare me shtetësi kineze është gjetur pa shenja jete në një taksi, pranë zonës së njohur si ‘Ura e Dajlanit’.

Sipas njoftimit zyrtar nga Policia e Durrësit, shtetasja është transportuar menjëherë në Spitalin Rajonal të Durrësit, por mjekët kanë konstatuar se ajo kishte ndërruar jetë para mbërritjes.

Policia e Durrësit

Spitali Rajonal Durrës ka njoftuar se është dërguar pa shenja jete një shtetase 57-vjeçare me shtetësi kineze, e cila është gjetur në një taksi, pranë ‘Urës së Dajlanit’. Grupi hetimor po vijon veprimet për këqyrjen e trupit të 57-vjeçares, si dhe për sqarimin e plotë të rrethanave.

Më shumë detaje priten në orët në vijim.