Këngëtarja britanike PinkPantheress ka marrë një titull doktor nderi nga Universiteti i Kentit, duke përjetuar një moment të plotë pas largimit të saj nga universiteti vetëm pas një viti. 24-vjeçarja, e cila u bë e famshme me hitin “Boys a Liar, Pt. 2”, u nderua për “kontributin dhe arritjet në muzikë në epokën dixhitale” gjatë një ceremonie në Katedralen e Canterbury-t.

E veshur me mantelin ceremonial të kuq, PinkPantheress kujtoi në fjalimin e saj fillimet e saj në qytetin e Canterbury-t – vendi ku ngarkoi këngët e para në SoundCloud dhe ku i ati i saj ishte profesor statistike në të njëjtin universitet. Ajo bëri thirrje për më shumë mbështetje ndaj arteve, në një kohë kur financimet për programet muzikore në Britani janë në rënie. Në rrjete sociale, artistja e etiketoi veten me humor si “Dr. Pantheress”, ndërsa ndau një video duke festuar me diplomën në dorë.