Netflix ka përdorur për herë të parë efekte vizuale të krijuara nga inteligjenca artificiale gjenerative (AI) në serialin argjentinas The Eternauts, duke shënuar një moment historik për platformën. Sipas bashkë-drejtuesit ekzekutiv Ted Sarandos, AI u përdor për të realizuar një skenë me shembjen e një ndërtese në Buenos Aires, duke e përfunduar atë dhjetë herë më shpejt dhe me kosto shumë më të ulët sesa me efektet tradicionale.

Kjo qasje e re ka nxitur debat në industrinë e argëtimit, mes shqetësimeve për zëvendësimin e punëtorëve dhe për përdorimin e paautorizuar të punëve ekzistuese. Përdorimi i AI ishte ndër çështjet kyçe të grevës së aktorëve dhe skenaristëve të Hollivudit në vitin 2023. Megjithatë, Netflix e sheh teknologjinë si mundësi për të fuqizuar produksionet me buxhet më të ulët, ndërkohë që platforma njoftoi një rritje prej 16% të të ardhurave dhe një fitim rekord prej 3.1 miliardë dollarësh, i ndihmuar edhe nga suksesi i Squid Game.