Ministria e Punëve të Brendshme njoftoi se në ndërtesën e Qeverisë serbe u zbulua një dërgesë e dyshimtë drejtuar Ministrit të Punëve të Brendshme, Ivica Daçiç. Në zarf u gjetën tre plumba.

Sipas njoftimit, zarfi është vërejtur të enjten (28 gusht).

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e Ministrisë së Brendshme serbe.

Policia identifikoi personin që dorëzoi zarfin dhe po punohet më tej për të përcaktuar të gjitha rrethanat e ngjarjes.