I mbani mend gjyshet kur këmbëngulnin për rëndësinë e mëngjesit të plotë? Epo, kishin plotësisht të drejtë. Pavarësisht nëse preferoni të ëmblat apo të kripurat, të ngrohtat apo të ftohtat, një mëngjes i balancuar është thelbësor për shëndetin fizik dhe mendor. Sipas AgroWeb.org, disa ndryshime të vogla në mënyrën si e nisni ditën mund të bëjnë një diferencë të madhe në mirëqenien tuaj.
1. Yndyrna të shëndetshme – për energji dhe tru të mprehtë
Shumëkush mendon se yndyrnat janë armike të trupit, por në fakt, ato të shëndetshmet – që vijnë nga burime bimore – janë aleate të pazëvendësueshme. Ato ndikojnë pozitivisht në funksionin e trurit, energji, si dhe në shëndetin e lëkurës, flokëve e thonjve. Përfshini në mëngjes ushqime si avokado, bajame, fara chia, fara lini, shqeme, vezë apo vaj peshku.
2. Karbohidratet komplekse – energji pa shtim peshe
Karbohidratet kanë marrë një famë të keqe për shtimin në peshë, por e vërteta është se ato të duhura – si ato që gjenden në frutat dhe perimet – janë të domosdoshme. Ato japin energji dhe ndihmojnë në ruajtjen e metabolizmit të qëndrueshëm.
3. Proteina për muskujt dhe organet
Shumë persona vuajnë në heshtje nga mungesa e proteinave. Vezët, kosi, gjalpi i kikirikut apo produktet e bulmetit janë burime ideale që ndihmojnë në mirëmbajtjen e masës muskulore dhe funksionin e organeve.
4. Vitaminat dhe mineralet – për një start të shëndetshëm
Mëngjesi është momenti ideal për të ushqyer trupin me vitamina dhe minerale. Zgjidhni fruta të freskëta si boronica, banane, mollë apo fiq, si dhe shtoni fara kërpi apo selino në smoothien apo tasin tuaj të mëngjesit.
Këshillë e fundit? Mos e nënvlerësoni mëngjesin. Ai është çelësi i ditës suaj të suksesshme dhe të shëndetshme.
