Momente të çuditshme në Kazakistan: Putinit i dridhen këmbët në mënyrë të pakontrolluar mes zërave për Parkinsonin

Një video e re që po qarkullon në rrjete sociale ka ndezur sërish spekulimet për gjendjen shëndetësore të presidentit rus Vladimir Putin. Pamjet tregojnë liderin 72-vjeçar teksa i dridhen këmbët në mënyrë të pakontrolluar gjatë një fjalimi publik në Astana të Kazakistanit.

Gjatë një fjalimi që zgjati rreth një orë, Putin duket se nuk ishte në gjendje të kontrollonte lëvizjet e këmbëve, ndërsa spazmat fillojnë në këmbën e majtë dhe përhapen në të dyja këmbët. Ai përpiqet të marrë një pozicion më të qëndrueshëm, por vazhdon të lëvizë dhe të përkulet pas mbi thembra.

Zëdhënësi i Ministrisë së Brendshme të Ukrainës, Anton Gerashenko, komentoi se “këto këmbë janë pa dyshim të tijat. Edhe thembrat, gjithashtu”, duke shtuar se videoja përforcon dyshimet për sëmundjen e Parkinsonit, që mund të jetë fshehur përmes manipulimeve të mëparshme në pamjet zyrtare.

Shenja të përsëritura: kruarje misterioze, ecje e paqëndrueshme dhe konfuzion

Ky incident vjen pak javë pasi Putin u pa duke u kruar vazhdimisht në fytyrë dhe qafë gjatë një vizite në qytetin Ufa, një sjellje që e kishte shfaqur edhe një ditë më parë në Moskë. Nga ana tjetër, regjistrimet e takimeve zyrtare tregojnë se ai shpesh mbështetet në tavolinë, lëviz këmbët në mënyrë nervoze dhe ka vështirësi në ecje.

Në një tjetër rast të bujshëm në shkurt, gjatë intervistës dy-orëshe me gazetarin amerikan Tucker Carlson, Putin u detyrua të mbante me dorë njërën këmbë për të frenuar lëvizjet e pavullnetshme. Ai gjithashtu u pa duke kollitur dhe pastruar fytin shpesh, teksa bënte deklarata bombastike për “mbizotërimin” e armëve supersonike ruse.

Thashetheme për sëmundje terminale dhe dublantë presidencialë

Kanali i Telegramit “General SVR”, i njohur për akuzat se Putin vuan nga kancer terminal, ka deklaruar më parë se lideri rus ka pësuar arrest kardiak dhe se paraqitjet publike të mëvonshme janë kryer nga dublantë. Sipas tyre, Putin u ringjall nga mjekët në një klinikë speciale pranë rezidencës së tij zyrtare.

Zëdhënësi i Kremlinit, Dmitry Peskov, i ka mohuar kategorikisht këto zëra: “Gjithçka është në rregull me të, këto janë thjesht lajme të rreme që sillen me këmbëngulje nga disa media. Në Kremlin, kjo gjë na bën të qeshim.”