Një moment i papritur dhe joformal mes Kryeministres italiane Giorgia Meloni dhe Presidentit amerikan Donald Trump është kapur nga kamerat gjatë samitit të nivelit të lartë në Shtëpinë e Bardhë, duke u bërë menjëherë viral. Në video, Meloni dëgjohet teksa i thotë stafit se nuk dëshiron të ulet pranë Trumpit, por pranë presidentit ukrainas Volodymyr Zelensky, me një koment që shkaktoi të qeshura – “Të paktën jemi të dy të shkurtër dhe nuk duket diferenca”.

Në pamjet e publikuara, Trump duket i përqendruar në biseda me liderë të tjerë ndërsa Meloni, me një buzëqeshje ironike, orienton vendin ku dëshiron të ulet, duke shmangur karrigen pranë Trumpit. Komenti i saj me tone humoristike u interpretua nga disa si një shaka e padëmshme, por nga të tjerë si një ironi ndaj ish-presidentit amerikan në një moment diplomatik delikat.

Ngjarja ka gjeneruar një valë reagimesh në rrjetet sociale dhe në mediat italiane, ku opinionistët janë ndarë mes atyre që e shohin si një gafë diplomatike dhe atyre që e konsiderojnë një shenjë të lirshmërisë së Melonit në skenën ndërkombëtare. Pavarësisht polemikave, momenti u bë një tjetër episod ikonik i “hot mic”-ëve politikë, duke u renditur krah situatave të mëparshme si komenti i Ronald Reagan për bombardimin e Rusisë apo fraza e Joe Biden për “Obamacare”.

Pamja tregon qartë se, në një takim të menduar për sigurinë e Ukrainës, një koment i thjeshtë për gjatësinë trupore bëri jehonë më shumë se deklaratat zyrtare.