Zonja e Parë e SHBA-së, Melania Trump, ka kërcënuar të padisë Hunter Biden për më shumë se 1 miliard dollarë, pasi ai pretendoi se ajo ishte prezantuar me Donald Trump nga abuzuesi seksual Jeffrey Epstein. Avokatët e saj e kanë cilësuar deklaratën si “të rreme, shpifëse, fyese dhe nxitëse”, duke i kërkuar djalit të ish-presidentit Joe Biden të tërheqë publikisht pretendimin dhe të kërkojë falje, përndryshe do të përballet me padi për dëme financiare dhe dëmtim të reputacionit.
Hunter Biden e bëri deklaratën në një intervistë të publikuar më herët këtë muaj, duke iu referuar dokumenteve të parealizuara për lidhjet e mundshme të Trump me Epstein. Sipas letrës ligjore, pretendimi i tij bazohej në një artikull tashmë të hequr nga Daily Beast, i cili u tërhoq pas ndërhyrjes së avokatëve të Melania Trump. Zonja e Parë mohon çdo lidhje me Epstein dhe thotë se u njoh me Donald Trump në nëntor 1998, në një festë të organizuar nga një agjenci modelingu. Rasti vjen mes presionit në rritje ndaj Shtëpisë së Bardhë për publikimin e të ashtuquajturve “dosjet Epstein”.
