Komisioni Qendror i Zgjedhjeve njofton se ka përfunduar procesi i numërimit dhe vlerësimit të votave për votimin brenda territorit të Shqipërisë, në përputhje me afatet e parashikuara në Kodin Zgjedhor. Procesi ka përfshirë të gjitha subjektet zgjedhore, partitë politike dhe koalicionet në 12 qarqet e vendit.
PS ka siguruar 83 mandate, PD 50 mandate, PSD 3 mandate, Mundësia 2 mandate dhe nga 1 mandat partitë e Lapajt dhe Qorit.
Sipas të dhënave paraprake të KQZ-së:
- Numri i zgjedhësve në listën brenda vendit ishte 3.467.962.
- Kanë votuar 1.458.251 zgjedhës, duke shënuar një pjesëmarrje prej 42.21%.
- Janë konsideruar të vlefshme 1.402.820 vota, ndërsa 55.334 vota janë shpallur të pavlefshme.
PS ka siguruar 83 mandate, PD 50 mandate, PSD 3 mandate, Mundësia 2 mandate dhe nga 1 mandat partitë e Lapajt dhe Qorit.
Por tani sytë janë te diaspora, pasi mund të ketë ndryshime në Lezhë, Vlorë, Tiranë apo Fier. PS pret ndryshim në Lezhë, PD në Tiranë pret t’i marrë mandatin Shehajt, ndërsa Lapaj pret mandate në Fier dhe Vlorë.
Në vijim të përpunimit të rezultateve, KQZ njofton se procesi i numërimit dhe vlerësimit të votave të zgjedhësve nga jashtë vendit është ende në vijim. Deri më tani janë numëruar dhe vlerësuar 75.414 fletë votimi nga gjithsej 194.889, që përbën rreth 39% të totalit të votave nga jashtë.
Procesi i numërimit për votat nga jashtë ka përfunduar për qarkun Kukës.
Ndërkohë, ka përfunduar numërimi dhe vlerësimi i votave për kandidatët me votim preferencial (të listës së hapur) në disa qarqe dhe zona të administrimit zgjedhor:
- Qarku Shkodër: 2 KZAZ
- Qarku Kukës: 2 KZAZ
- Qarku Dibër: 2 KZAZ
- Qarku Berat: 2 KZAZ
- Qarku Korçë: 2 KZAZ
- Qarku Gjirokastër: 7 KZAZ
- Qarku Vlorë: 5 KZAZ
- Qarku Tiranë: 2 KZAZ (PEVN)
Në total, procesi i numërimit dhe vlerësimit të votave për kandidatët ka filluar në 24 KZAZ.
Procesi ende nuk ka nisur në 7 zona të administrimit zgjedhor:
- 3 KZAZ në qarkun Durrës (nr. 20, 23, 25)
- 4 KZAZ në qarkun Tiranë (nr. 20, 23, 25, 30, 35, 36, 40)
KQZ është duke monitoruar nga afër vijimin e procesit, i cili pritet të përmbyllet në përputhje me standardet e për caktuara për integritetin zgjedhor.
