Maya Jama është dukur e dashuruar pranë të dashurit të saj, Ruben Dias, teksa ka ndarë me ndjekësit momente nga pushimet e tyre romantike në Itali.
Prezantuesja 30-vjeçare dhe futbollisti 27-vjeçar mendohet se kanë qenë në një lidhje sekrete për disa muaj, pasi thuhet se ai u magjeps prej saj kur u takuan për herë të parë në eventin e MTV European Music Awards në nëntor.
Romanca e tyre u konfirmua përfundimisht në prill, kur u panë duke shkëmbyer përkëdhelje në publik gjatë eventit Baller League të KSI.
Në një foto të publikuar për herë të parë me të dashurin, Maya shfaqet me bikini trekëndëshe duke marrë rreze dielli në një varkë, ndërsa më vonë është filmuar duke u hedhur në ujë nga Ruben, që ndodhej në kuvertën e sipërme.
Prezantuesja e “Love Island” e bëri lidhjen publike në Instagram dy javë më parë, kur ndau një video me Ruben ndërsa ndodheshin bashkë në makinë, në rrugë për në shtëpinë e saj.
Maya është parë në disa ndeshje futbolli muajt e fundit për të mbështetur Ruben Dias në fushë me Manchester City. Ata janë filmuar me krahët rreth njëri-tjetrit dhe Ruben i jepte një puthje në qafë, i veshur thjesht me kapele dhe rroba sportive.
Një burim për The Sun tha: “Maya dhe Ruben dukeshin shumë të afërt, të dashuruar dhe të qetë me njëri-tjetrin. Edhe pse flisnin me të tjerët, gjithmonë ktheheshin te njëri-tjetri. Duken shumë të lumtur së bashku.”
Kjo ishte hera e parë që janë parë publikisht që prej nisjes së lidhjes, edhe pse Maya kishte lënë të kuptohej më herët për romancën duke ndarë foto me lule që kishte marrë si dhuratë.
Shfaqja e tyre në eventin Baller League erdhi vetëm një ditë pasi Maya mbështeti Ruben në stadiumin Wembley, ku Manchester City fitoi 2-0 ndaj Nottingham Forest në finalen e FA Cup. Maya mori edhe familjen me vete, duke ndarë video në rrugë për në stadium me mbishkrimin: “Ditë familjare në Wembley”, ndërsa në makinë ishin nëna e saj Sadie dhe vëllai Omar.
Ajo ndau edhe një foto nga stadiumi, ndërsa familja shijonte atmosferën nga tribuna.
Mediat britanike raportojnë se marrëdhënia e çiftit është bërë më serioze, pasi Ruben i ka prezantuar Mayën me nënën e tij, Bernadette – e cila madje e ndjek atë edhe në Instagram.
Gjatë pauzës ndërkombëtare në mars, Maya udhëtoi drejt Lisbonës për të parë Rubenin në ndeshjen me kombëtaren e Portugalisë, ku ajo u fotografua në tribunën VIP në stadiumin “José Alvalade”, duke parë fitoren 5-2 ndaj Danimarkës.
Ajo postoi më pas një foto me Rubenin në një ambient romantik pranë zjarrit në orën 03:30 të mëngjesit – thuhet se ishte në shtëpinë e futbollistit në rajonin e Cascais, ku shiheshin pishina e madhe dhe vatra e zjarrit.
Ata besohet se kanë nisur të frekuentohen në dhjetor, pasi u takuan në nëntor gjatë EMAs në Manchester – qyteti ku luan Dias.
Thashethemet për lidhjen u shtuan pas Shën Valentinit, kur Maya postoi një buqetë me trëndafila që kishte marrë në kthimin nga Cape Town, pas përfundimit të sezonit të “Love Island All Star 2025”.
Çifti është parë edhe me byzylykë të njëjtë “LOVE” nga Cartier, me vlerë 5,050 paund. Maya e kishte të vendosur në një postim në Instagram, ndërsa Ruben u pa me të njëjtin aksesor gjatë mbërritjes në stërvitje për ndeshjen e Champions League ndaj Real Madridit në shkurt.
Edhe pse kanë qenë të rezervuar për lidhjen e tyre, Gary Lineker duket se e konfirmoi pa dashje gjatë një bisede në mars, kur iu referua Rubenit si “i dashuri i Mayës” – deklaratë që ajo nuk e mohoi, por reagoi me humor, duke thënë: “Dil jashtë! Prandaj nuk flas me njerëz të vjetër. Janë kaq të çuditshëm.”
