Ligji, i miratuar më parë këtë vit nga Kongresi i Brazilit , krijon një kornizë ligjore për Brazilin për t’iu përgjigjur masave të mundshme tregtare të njëanshme që synojnë mallrat dhe shërbimet e tij, duke përfshirë kundërmasat për tarifat.
Ministria e Jashtme e Brazilit ka urdhëruar organin qeveritar të tregtisë ‘Camex’ të fillojë analizimin nëse një ligj lokal i reciprocitetit mund të përdoret kundër Shteteve të Bashkuara.
Ligji, i miratuar më parë këtë vit nga Kongresi i Brazilit , krijon një kornizë ligjore për Brazilin për t’iu përgjigjur masave të mundshme tregtare të njëanshme që synojnë mallrat dhe shërbimet e tij, duke përfshirë kundërmasat për tarifat.
Ky veprim do të përfaqësonte një përshkallëzim nga ekonomia më e madhe e Amerikës Latine në reagimin ndaj tarifave prej 50% të Presidentit të SHBA-së, Donald Trump, mbi importet braziliane. Brazili deri më tani kishte filluar konsultime për mosmarrëveshjet në Organizatën Botërore të Tregtisë.
Nisja e procesit erdhi ndërsa presidenti brazilian Luiz Inacio Lula da Silva autorizoi përdorimin e ligjit kundër SHBA-së, thanë burimet.
‘Camex’ ka 30 ditë kohë për të paraqitur një raport mbi këtë çështje. Nëse miraton përdorimin e ligjit të reciprocitetit, një grup pune qeveritar do të vendosë se cilat fusha duhet të synojë Brazili në masat e tij kundër SHBA-së, thanë burimet.
Ata shtuan se SHBA-të pritet të informohen të premten për fillimin e procesit.
Ministria e Zhvillimit, Industrisë, Tregtisë dhe Shërbimeve e Brazilit që mbikëqyr ‘Camex’ nuk iu përgjigj menjëherë një kërkese për koment.
SHBA-të vendosën tarifa prej 50% për importet e mallrave braziliane këtë muaj, pasi Trump kritikoi ato që i quajti praktika të padrejta tregtare dhe akuzoi Brazilin për një “gjueti shtrigash” kundër ish-presidentit Jair Bolsonaro, i cili është në gjyq me akuzat për komplotimin e një grushti shteti.
Produkte të tilla si lëngu i portokallit dhe aeroplanët, të cilat janë ndër eksportet kryesore të Brazilit, u përjashtuan nga detyrimet më të larta.
Zyrtarët e qeverisë braziliane janë ankuar publikisht për mungesën e hapësirës për të negociuar tarifat me homologët amerikanë
