Këngëtarja amerikane Kesha ka pranuar publikisht pendesën për një nga vargjet më të debatueshme të karrierës së saj, nga kënga “Cannibal” e vitit 2010, ku ajo këndon:
“Be too sweet, and you’ll be a goner (Yep) / I’ll pull a Jeffrey Dahmer.”
Kjo referencë ndaj vrasësit serial Jeffrey Dahmer, i njohur për aktet makabre të kanibalizmit ndaj 17 viktimave, ka bërë që Kesha të “rikancelohet” në rrjet, sipas fjalëve të saj.

Në një intervistë për People, artistja 38-vjeçare tha:
“Oh Zot, u rikancelova për vargun e Jeffrey Dahmer. Ishte një varg kontrovers. Por nëse nuk po ofendoj askënd, ndoshta nuk po bëj punën time siç duhet si yll pop-i.”
Vargu në fjalë u rikthye në diskutim pas publikimit të serialit Dahmer – Monster në Netflix në vitin 2022, që rikujtoi krimet e tmerrshme të Dahmer dhe ngriti pyetje mbi përdorimin e emrit të tij në kulturën pop.

Ky nuk është vargu i vetëm që Kesha ka ndryshuar. Në vitin 2024, ajo zëvendësoi linjën ikonike të këngës “TikTok” nga “Wake up in the morning feeling like P. Diddy” në “Wake up in the morning like f* P. Diddy” gjatë performancës së Reneé Rapp në Coachella, në një reagim të drejtpërdrejtë ndaj skandaleve të Diddy-t.

Kesha ka shprehur mbështetjen e saj për Cassie Ventura, ish-partneren e Diddy-t, pas shpalljes së tij fajtor për shkelje të Aktit Mann për trafikimin e grave për seks, pavarësisht se u lirua nga akuzat më të rënda për trafik seksual dhe konspiracion.

“Cassie, të besoj. Të dua. Forca jote është një dritë për çdo të mbijetuar,” – shkroi Kesha në Twitter.

Pas një beteje nëntëvjeçare ligjore kundër producentit Dr. Luke – të cilin ajo e akuzoi për abuzim fizik dhe seksual – Kesha ka rifituar të drejtat mbi zërin e saj dhe është shkëputur nga labeli i tij Kemosabe. Albumi i saj i gjashtë, me titull “Period”, që publikohet këtë të premte, do të jetë i pari i lëshuar nga labeli i saj i pavarur Kesha Records.

E ndërsa turneu “T**s Out” me Scissor Sisters vijon në SHBA, Kesha tha për People se është në një kapitull të ri të jetës dhe karrierës së saj:
“Tani e gjithë energjia ime përqendrohet te qëllimi im i vërtetë – t’i bëj njerëzit të ndihen të parë, të dashur, të sigurt dhe të argëtuar deri në fund. Tani fuqia ime është sërish në duart e mia.”

Ky rikthim i Kesha-s shënon një kombinim të artit, vetëdijes sociale dhe fuqizimit personal, që reflekton më shumë se kurrë identitetin e saj si artiste e lirë dhe e angazhuar.