Një përmbytje rrufe ka goditur fshatin malor Dharali, në veri të Indisë, duke shkaktuar një tragjedi të rëndë me disa viktima të konfirmuara deri tani. Uji i furishëm ka shkatërruar shtëpi, rrugë dhe infrastrukturë, duke lënë pas një pamje rrëqethëse shkatërrimi në këtë zonë të Himalajeve.

Autoritetet indiane ndodhen në terren me ekipe shpëtimi, ndërsa operacionet për kërkimin e të mbijetuarve po zhvillohen me vështirësi për shkak të terrenit të thepisur dhe kushteve ekstreme atmosferike.

Presidenti Narendra Modi ka shprehur ngushëllimet e tij për familjet e viktimave dhe ka deklaruar se “nuk do të lihet gur pa lëvizur në përpjekjet për shpëtim dhe ndihmë”.

Pamje dramatike të publikuara në rrjete sociale tregojnë ujërat e rrëmbyeshme duke përfshirë banesa dhe automjete, ndërsa banorët përpiqen të largohen nga zona me ç’të mundin.

Shkaku i përmbytjes mendohet të jenë reshjet intensive të shiut dhe shkrirja e papritur e borës në lartësi të mëdha – një fenomen që po bëhet gjithnjë e më i zakonshëm për shkak të ndryshimeve klimatike. Autoritetet paralajmërojnë për rrezik të shtuar edhe në zonat përreth.