Të paktën 93 persona janë vrarë nga sulmet izraelite në Rripin e Gazës që prej agimit të së mërkurës, bëjnë të ditur burime mjekësore për Al Jazeera.
Ndërkohë, dënimi ndërkombëtar po rritet pasi forcat izraelite hapën zjarr paralajmërues ndaj një grupi diplomatësh të huaj që po vizitonin kampin e refugjatëve në Xhenin, në Bregun Perëndimor të pushtuar.
Zëdhënësi kryesor i Kombeve të Bashkuara deklaroi se ndihma humanitare që po lejohet “më në fund” të hyjë në Gaza, është “larg së qeni e mjaftueshme” për të përmbushur nevojat e një popullsie të uritur nga lufta.
Sipas Ministrisë së Shëndetësisë në Gaza, ofensiva izraelite ka shkaktuar deri tani të paktën 53,655 të vdekur dhe 121,950 të plagosur. Zyra e Medias së Qeverisë në Gaza e ka përditësuar shifrën e viktimave në më shumë se 61,700, duke shtuar se mijëra persona që rezultojnë të zhdukur nën rrënoja, dyshohet se janë të vdekur.
Nga ana tjetër, në sulmet e Hamasit më 7 tetor 2023 në territorin izraelit, humbën jetën rreth 1,139 persona, ndërsa më shumë se 200 të tjerë u morën peng.
