India ka thirrur diplomatin më të lartë të Pakistanit në Nju Delhi, ndërsa marrëdhëniet mes dy vendeve vazhdojnë të përkeqësohen pas sulmit të së martës në Pahalgam, ku humbën jetën 26 persona.

Kjo ndodh një ditë pasi India ndërmori një sërë masash ndaj Pakistanit, përfshirë mbylljen e kufirit.

Ministri indian i Mbrojtjes ka premtuar një përgjigje të shpejtë ndaj sulmit në Kashmirin e administruar nga India, ndërkohë që është nisur një operacion kërkimi për autorët e armatosur.

Grupi “Fronti i Rezistencës” mori përgjegjësinë për sulmin përmes një mesazhi në rrjetet sociale, duke shprehur pakënaqësi që mbi 85,000 “të huaj” janë vendosur në rajon, duke nxitur një “ndryshim demografik”.