Me shitjen zyrtare të Tijjani Reijnders dhe atë të Yunus Musah që është afër përfundimit, kjo verë po duket si një tjetër revolucion në mesfushë për Milanin, i cili aktualisht numëron vetëm Fofana, Loftus dhe Bondo për atë pjesë të fushës.

Këtë mëngjes, ‘La Gazzetta dello Sport’ bën një bilanc të objektivave për mesfushën e re të Milanit. Duke përjashtuar nënshkrimin e Luka Modric, i cili do të finalizojë transferimin e tij pas Kupës së Botës për Klube dhe do të jetë një aset i madh për skuadrën për sa i përket lidershipit, dy objektivat kryesore të theksuara nga ‘La Gazzetta’ sot pikturojnë një “Milan shqiptar”.

Nga njëra anë është përvoja e Granit Xhakës, kapitenit të ekipit kombëtar zviceran; nga ana tjetër, trashëgimtari i tij Ardon Jashari, i lindur në vitin 2002, me të cilin Milani u përball këtë vit në Ligën e Kampionëve kundër Club Brugge. Lidhur me objektivin e parë, gjithçka varet nga marrëveshja midis Milanit dhe Bayer Leverkusen, pasi Xhaka ka një kontratë deri në vitin 2028.

Mesfushori i lindur në vitin 1992 do të ishte një tjetër nënshkrim i profilit të lartë, duke sjellë përvojë dhe ekuilibër në mesfushë. Ai vetë i ka hapur derën një transferimi të mundshëm te kuqezinjtë. Nga selia e klubit, negociatat po përparojnë me optimizëm.

Ardon Jashari konsiderohet si pasardhësi natyror i Xhakës dhe disa klube, veçanërisht nga Gjermania, janë të interesuara për të. Sipas ‘Gazzetta’ , çmimi i tij është rreth 35 milionë euro. Ende brenda temës së të rinjve, gazeta italiane përmend edhe emrin e mesfushorit spanjoll Javi Guerra, i lindur në vitin 2003, por tashmë me shumë përvojë me Valencian. Ai aktualisht është i përfshirë në Kampionatin Evropian U21 dhe kostoja e transferimit të tij do të ishte pak më e ulët se ajo e talentit Jashari.

Me Taren në regji si shtyllë e ekipit, ‘Bjondin’, Xhakën dhe Jasharin e lidh shqipja.