Një tjetër shpërndarje ndihmash ajrore në perëndim të kampit të refugjatëve Nuseirat ka përfunduar në tragjedi, pasi një i ri humbi jetën kur një pako ndihme i ra mbi kokë.

Viktima ndodhej mes dhjetëra banorëve të tjerë që prisnin me shpresë furnizimet e shumënevojshme ushqimore, por momenti që duhej të sillte lehtësim u kthye në fatalitet. Ky është rasti më i fundit në një seri ngjarjesh të rënda ku edhe përpjekjet humanitare kanë sjellë humbje jetësh në Gaza.

Kushtet tejet të rrezikshme dhe mungesa e sigurisë gjatë shpërndarjes së ndihmave bëjnë që edhe sigurimi i gjërave bazë të jetës të kthehet në një mision me pasoja fatale për civilët.