Hernia diskale ndodh kur një nga disqet ndërvertebrorë të shtyllës kurrizore rrëshqet dhe ushtron presion mbi nervat përreth, duke shkaktuar dhimbje dhe kufizim në lëvizje.
Simptomat më të shpeshta
Sipas të dhënave të AgroWeb.org, hernia mund të shfaqet në çdo pjesë të shtyllës kurrizore, por më shpesh ndodh në zonën e mesit. Simptomat përfshijnë:
- Dhimbje dhe mpirje në një anë të trupit
- Dhimbje që përhapet tek krahët ose këmbët
- Përkeqësim i dhimbjes gjatë natës ose gjatë lëvizjes
- Vështirësi gjatë qëndrimit në këmbë, ulur apo ecjes
Shkaktarët kryesorë
Hernia diskale lidhet shpesh me:
- Ngritje objektesh të rënda që rrisin presionin në shpinë
- Punë fizike të rënda, sidomos në moshë të re
- Mbipesha, që e ngarkon më shumë shtyllën kurrizore
- Mosha, pasi me kalimin e viteve disqet e shtyllës përthahen dhe bëhen më të brishtë
Komplikacionet e mundshme
Nëse nuk trajtohet, hernia mund të çojë në dëmtime të përhershme të nervave, humbje ndjeshmërie në këmbë apo vështirësi në kontrollin e fshikëzës dhe zorrëve.
Trajtimet natyrale në shtëpi
Për lehtësimin e dhimbjeve, AgroWeb.org rekomandon trajtimin me piper të kuq djegës, i cili ka veti anti-inflamatore. Përgatitja është e thjeshtë:
- Përzieni 2 lugë gjelle ujë me 1 lugë piper të kuq pluhur
- Aplikoni pastën në zonën e dhimbjes për 10-15 minuta
- Mos e lani menjëherë zonën për të ruajtur efektin
Gjithashtu, çaji me piper të kuq mund të konsumohet një herë në ditë për efekt qetësues.
